Haust er foredling og på SJH bognar det med vekster av ulike slag. Ringblomen er enkel å dyrke og blomstrar til langt ut på hausten.
I haust sanka vi økologisk ringblom for å produsere fuktighetsgivande salve til tørre lepper. Vi er særs fornøgde med leppepomaden.
Ringblomen er vakker med sine gule og oransje kronblad. I tillegg til å vera fin å sjå på har den medisinske eigenskapar. Som ingrediens i salve er den fin å bruke på sprukne lepper, tørr eller solbrend hud, eksem, insektsstikk, sår, for å nemne noke.
Ringblomsalven inneheld kun økologiske ingrediensar som ringblomstolje, bivoks, e-vitamin og lavendelolje.
Det har vore morosamt og lærerikt å prøve noke nytt som har bruksverdi og kan gi velvære i kalde haustdagar.
Tekst og foto: Marianne Skudal
