Undervisingsbygget (midten) ligg rett ved sida av internatet (høgre).
På internatet er det 30 hyblar (enkeltrom) med vaskeservant, fordelt over to etasjar. Det er felles bad i kvar etasje. I 2017 var ny matsal, nye elevkjøken og opphaldsrom ferdig.
Varm middag (kl. 11.30 på skuledagar) er inkludert i husleiga for alle som bur på internatet. På det viset kan vi halda dei totale bukostnadane nede. Dei som bur utanfor skulen kan abonnera på middag i matsalen om dei vil, eller kjøpe enkeltmåltid. Ein kan velja vegetarkost om ein ynskjer det. Meir enn 90 % av maten på internatet er laga av økologiske råvarer, og matserveringa har Debios serveringsmerke i gull. Utanom middag på skuledagar, lagar elevane måltida sjølve.
Ein syter sjølv for reinhald på eigen hybel og for klesvask. Skulen har vaskemaskiner og tørketrommel. På internatet er alle former for rus og tobakksbruk forbode.
Prisar frå 01.08.2022
Prisen for å bu på internatet (inkl. økologisk middag på skuledagar) er
4200 kr/mnd.
Prisen for å abonnera på økologisk middag på skuledagar er 1600 kr/mnd; eller 1200 kr/mnd ved binding av avtale for aug-des og/el jan-mai/juni.
Prisen for enkeltmiddag er 120 kr, og 100 kr/mnd for kaffi/te i matpausen (for dei som ikkje bur på internatet/har middagsavtale).
Matserveringa på internatet har Debios valørmerke i gull
