Kategori: Aktuelt

Ny utgåve av Mathåndverk

Publisert 18/07/2018 i Aktuelt - Kommentarer er skrudd av for Ny utgåve av Mathåndverk

Bladet kan du lesa her:

http://mediadigital.no/digitalemagasiner/mathandevek/0218V-1/index.html

Frå følgeskrivet:

“De fem regionale Kompetansenettverkene for Lokalmat i Norge har samarbeidet om å utgi en ny utgave
av fagbladet Mathåndverk. Dette har vi klart og resultatet er en digital versjon som er publisert på Landbruksnytt. I tillegg har vi trykt opp et mindre opplag. Gjennom god støtte av Tun Media har vi fått en tydelig designmal samtidig som vi har fokusert på å lage et godt faglig innhold med relevante vinklinger for målgruppen vår. Vår ambisjon er å produsere og utgi en ny utgave i 2019.”

Vellykka lansering av ysteboka

Publisert 16/02/2018 i Aktuelt - Kommentarer er skrudd av for Vellykka lansering av ysteboka

Søndag 11. februar vart boka Ysting av Ragnhild Nordbø og Maria Ballhaus lansert på det lokale bakeriet i Aurland med høgtlesing, ostebuffé og musikk frå spelemannslaget. Dette er den fyrste og einaste læraboka i Skandinavia om tradisjonell handverksysting! Boka er resultatet av eit prosjekt på ressurssenteret ved SJH, der begge forfattarane er lærarar på kurs i mjølkeforedling. Boka rettar seg mot erfarne ystarar, og dei som vurderer å drive profesjonelt med ysting og treng opplæring.

Les meir om boka og kor du kan kjøpe ho her.

Det unike prosjektet vart støtta av Aurland Naturfond, Aurland kommune, Aurland Sparebank, Fylkesmannen i Sogn og Fjordane, Kompetansenettverk lokalmat, Kompetanseutviklingsprogrammet i landbruket, Norsk Gardsost, Sogn og Fjordane fylkeskommune og TINE. Tusen takk til alle!

Les kva lokalavisa Porten skreiv om lanseringa her.

Hagebrukslærar Monica Gjesdal Larsen tok bilete under boksleppfesten – klikk for å sjå større utgåve!

Seminar og bokslepp 11. februar

Publisert 23/01/2018 i Aktuelt - Kommentarer er skrudd av for Seminar og bokslepp 11. februar

Endeleg kjem boka mange har venta på! Ysting er ei lærebok i handverksysting. Ho tek for seg ysting heilt frå nybyrjarnivå, men inneheld mange detaljar og tips som er nyttige òg for erfarne ystarar. Søndag 11. februar markerer vi utgjevinga med eit spennande seminar om samarbeid og utvikling i familiebedrifta – og ikkje minst med boksleppfest på kvelden! Les meir om boka her.

Under kan du sjå informasjon om seminaret og boksleppfesten. Du kan laste ned plakaten her.

Meir info om innhaldet i seminaret finn du her.

Velkomen!

Bilete frå modulkurs 2

Publisert 04/12/2017 i Aktuelt - Kommentarer er skrudd av for Bilete frå modulkurs 2

100-årsjubileum 21.-23. september

Publisert 11/07/2017 i Aktuelt - Kommentarer er skrudd av for 100-årsjubileum 21.-23. september

VELKOMMEN TIL JUBILEUMSFEIRING 21.-23. SEPTEMBER!

I 2017 er SJH 100 år og det blir feira i heile tre dagar! Me skal heidre innsats i tida som har gått (torsdag), markere opning av nye og renoverte skulebygningar (fredag) og byggje bruer med andre for framtida (laurdag). Det er tida for å samle alle gode vener av skulen både lokalt, regionalt og nasjonalt.

Program

Program for feiringa 21.-23. september 2017 finn du her.

Påmelding

Som vist i programmet, er nokre aktivitetar ope for alle, medan andre krev påmelding. Påmeldingsfristen er 20. august 2017: Meld deg på her

Overnatting

NB! Me anbefaler tidleg bestilling av overnatting da Aurland er eit populært reisemål!

SJH har gjort avtale med tre ulike lokale overnattingsstader kor ein kan få rabattert pris ved å oppgje “Jubileum SJH” under bestillinga. Ta direkte kontakt med dem. Rabatterte prisar og kontaktinfo:

Vangsgaarden Gjestgiveri: www.vangsgaarden.no

Dobbeltrom med frokost for to personer: 1250 kr/natt

Rorbu med kjøkken, plass til fire personer: 1400 kr/natt

Lunde Camping: www.lunde-camping.no

Hytte m/ dusj og toalett, plass til fire personer: 1100 kr/natt

Leilighet m/ dusj og toalett, plass til to personer: 800 kr/natt

Standardhytte, plass til fire personer: 600 kr/natt

Aurland Fjordhotel: www.aurland-fjordhotel.com

Enkeltrom inkl. frokost: 990 kr/natt

Dobbeltrom inkl. frokost: 1.390 kr/natt

Fleire overnattingsstader finn du på www.booking.com eller andre bookingsider på nettet.

Forlenge opphaldet?

Ynskjer du å nytte anledninga til å sjå meir av Aurland, er det mykje å ta seg til anten du er interessert i padling, fotturar, sykling, fjordcruise eller Flåmsbana. Sjå Visit Sognefjord og Visit Flåm for inspirasjon og informasjon.

Har du spørsmål?

Lurer du på noko knytta til påmelding, overnatting eller Aurland generelt, ta kontakt med sentralbordet:

57 63 71 00 / sjh@sfj.no

Lurer du på noko knytta til programmet, ta kontakt med informasjonsansvarleg Spira Svendsen:

455 14 254 / spira.svendsen@sfj.no

Grunnkurs i pollineringsretta birøkt

Publisert 08/02/2017 i Aktuelt - Kommentarer er skrudd av for Grunnkurs i pollineringsretta birøkt

Samlingsbasert grunnkurs i pollineringsretta birøkt 22.-23. april, 3.-4. juni og 2.-3. september.

Kurset gir grunnleggande kunnskap om birøkt og om korleis pollinering av frukt og bær kan gå inn som ein viktig del av eit driftsopplegg.  Kurset er delt i 3 samlingar à 2 dagar, med både praktiske øvingar og teori. Det er viktig at alle deltek på alle samlingane.

Marco Neven er lærar på kurset. Marco er til dagleg lærar ved Sogn Jord- og Hagebruksskule i Aurland og driv i tillegg føretaket SOGNEBIA. SOGNEBIA har i mange år mellom anna drive med birøkt i Lærdal og har lang erfaring med utleige av bikubar til pollinering.

PROGRAM: (3 samlingar i 2017)

Målgrupper:

1) Etablerte birøktarar som vil starta med utleige av bikuber for pollinering

2) Frukt- og bærprodusentar som vil starta med birøkt for å betra eigen produksjon

3) Andre som vil starta birøkt knytt til frukt- og bærdyrking

Deltakaravgift:  kr 6.900,- inkludert kurskompendium, servering og rådgjeving mellom samlingane.

Kursstad: Sogn Jord- og Hagebruksskule (Aurland) med praksis hjå «Sognebia» (Lærdal)

Påmeldingsfrist: 15. mars 2017 til paamelding.sjh@sfj.no eller til tlf. 57 63 71 00 (Maks 20 deltakarar) eller via skjema her.

Kjøttforedlingskurs på Mo gir muligheter

Publisert 13/01/2017 i Aktuelt - Kommentarer er skrudd av for Kjøttforedlingskurs på Mo gir muligheter

Påmelding til kurs i februar 2017 her

Carina Schrøder får øvd seg under kyndig veiledning av pølsemakermester Jakob Sætre. På kurset på Mo og Øyrane videregående skule har Kompetansenavet Vest jevnlig kurs i kjøttforedling for småskalaprodusenter. Begrenset plass sikrer deltakerne mye praksis og god oppfølging.

– Temperatur, lukt eller salting; noter alt du gjør hver gang!, oppfordrer Jakob Sætre til kursdeltakerne.

 

Diskusjonen er i gang om hvordan man salter et fenalår. Kursdeltakerne har hørt om ulike metoder. Jacob Sætre har selv sin foretrukne metode, men forteller at metode også er avhengig av hvor stort volum du skal produsere og at temperatur, relativ fuktighet har stor betydning for det ferdige produktet i spekeprosessen.

09-DSC_0249

Priviligert

Carina Schrøder som er utdannet ingeniør holder til på Osterøy sammen med mannen Ole Schaug som jobber innen bygg og anlegg. De har kjøpt en gård på det åpne markedet og vil prøve å skape en årsinntekt av ressursene av gården. Kanskje en dag blir det fenalår fra Osterøy?

– Vi ønsker å ha full kontroll fra A til Å på råvarene. Derfor ønsker vi å lære å foredle selv.

02-DSC_0177

Ingen av dem er vokst opp på gård og hadde knapt hilst på en sau da de overtok. Men nå har de 50 vinterfôra sau

Vi er privilegert som får muligheten til dette, sier Carina. Begge har tatt ut feriedager for å være med på det tre dager lange kurset i lokalene til Mo og Øyrane videregående skule i Førde.

Paret har fått støtte til idéutvikling og bruker nå noe av dette på å gå på kurs for å finne ut om det er kjøttforedling de skal satse på.

Det er mye hardt arbeid. Vi har begge full jobb så det er å gå fra en jobb til en ny når man kommer hjem. Men vi trives med det.

Carina mener det nesten er en plikt å få folk til å bli interessert i matkulturen.

-Matkulturen vår er nesten avlært.

Hun synes kurset er veldig nyttig.

-Det er veldig praktisk retta og vi får virkelig prøvd oss.

Erfaren kursleder

Kursleder Jakob Sætre har lang fartstid i bransjen og blir nå som pensjonist hyret inn av Kompetansenavet Vest. Han har tidligere jobber for Ringstad og Gilde og kan faget ut og inn. Han foredler fortsatt kjøtt til eget bruk. Slakterkvinen føres rundt på skrotten som en lek og referansene er mange. Han er nøye med at alle deltakerne får prøvd seg.

Det som er bra med anlegget på Mo er at man kan starte opp med et prøvekjøkken her i en etablerfase fordi lokalene er godkjent, sier Jacob Sætre.

Per i dag er lokalene utleid 90 fulle dager i året av småskalabedrifter som er i etablerfasen.

Bruker lokalene aktivt

Bedriften Eldalstunet har både gått på kurset og bruker anlegget aktivt i dag.

– Marit gikk på kurset for 7- 8 år siden og nå omsetter vi alt lokalt, sier Henning Skilbrei som sammen med Marit Eldal og fire barn driver slektsgården videre.

Paret som holder til på Gaularfjellet har til sammen 25 vinterfôra sau, 8 ammekyr av rasen Vestlandsfjordfe og noen gris om sommeren. De driver i tillegg til dyreholdet restaurant og catering, samt har deltidsjobb lokalt og salg av husflid som inntekt.

Uten lokalene på Mo ville det ikke gått rundt for paret som i utgangpunktet var utdannet som møbelsnekker og bilmekaniker.

Vi hadde måtte investere 1 million kroner. Her er det utstyret vi trenger og vi kan kjøre innom her på vei hjem etter å ha hentet slaktet på anlegget i Førde.

Mangesysleri

-Vi driver mangesysleri. Det som er viktig er å skape en mulighet til å bo her vi gjør. Det er hardt arbeid og innimellom kan man spørre seg om det å ta vare på lokalmat og lokale husdyrslag er verdt det. Men vi kommer hele tiden fram til at det er viktig.

Kursleder Jakob Sætre har lang fartstid i bransjen

Kursleder Jakob Sætre har lang fartstid i bransjen

Fakta:

Kurset på Mo inneholder

  • Innføring i trygg mat og internkontroll.
  • Innføring om mørning og modning av slakt før nedskjæring.
  • Parterings- og utbeiningsteknikker med fokus på kvaliteter, bruksområde og
  • utbytte.
  • Praktisk partering og utbeining for deltakarane.
  • Tillaging av biffar, steiker, grytekjøt og malt kjøtt.
  • Produksjon av dampepølse og morrpølse.
  • Innføring i tørking, røyking, frysing, lagring og emballering

Påmelding til kurs i februar 2017 her: http://landbrukskurs.no/kurs/foredling-av-kjot-7/

Ta kontakt med Knut Vebjørsen ved Mo og Øyrane Videregående på 415 30 735 for informasjon om senere kurs.

Tags: , , ,

Vinterlesning? Mathåndverk!

Publisert 14/12/2016 i Aktuelt - Kommentarer er skrudd av for Vinterlesning? Mathåndverk!

Kompetansenettverk Lokalmat har i haust lansert fyrste utgåve av fagbladet Mathåndverk. Ambisjonen er å levere matfagleg kompetanse til godt etablerte og nyoppstarta matprodusentar. Redaksjonen lover stoff i fleire genrar – både søtt, salt, balansert og syrlig, ja endåtil beiskt!

Her kan du lese heile bladet på nett, eller laste det ned til utskriving.

Lurer du på kva Kompetansenettverket er?

Noreg er delt inn i fem Kompetansenav som saman utgjer Kompetansenettverk Lokalmat. Dei skal bistå lokale mat- og serveringsbedrifter. Kompetansenava utarbeider tilbod som kurs, seminar, nettverk, studieturar, hospitering og gir oppfølging med fagpersonar gjennom besøksordninga. Arbeidsområdet til Kompetansenavet Vest er Hordaland og Sogn og Fjordane. Kompetansenavet Vest har base på Sogn Jord- og Hagebrukskule, men har aktivitetar rundt om i begge fylka.

Her kan du lese meir.

Kursar tradisjon for framtida

Publisert 31/10/2016 i Aktuelt - Kommentarer er skrudd av for Kursar tradisjon for framtida

_mg_5496 _mg_5471_mg_5509

Denne veka har skulen hatt besøk av åtte ystespirar gjennom kurset «Lokal foredling av mjølk». Kyndige lærarar har losa dei gjennom fem dagar med variert program – alt frå teori om kjemiske prosessar og regelverk til praktisk ysting av ulike upasteuriserte ostar. Kurset er eit av fleire ystekurs ressurssenteret ved SJH arrangerer kvart år. «Kan dokk ikkje flytte neste kurs litt fram i tid? Det er for lenge til!» kom det frå ein inspirert deltakar.

I denne modulen er tema norske ystetradisjonar: deltakarane ystar tradisjonell kvit og brun geitost, lagar rømme og smør og ystar pultost og gamalost. Det er innhaldsrike og intensive dagar med mange prosessar ein skal gjennom. Osteproduksjon er eit krevjande handverk og det er nyttig med den praktiske erfaringa frå ystekurset når ein seinare skal prøve på eiga hand.

_mg_5536

Kursverksemda og kompetansen ved ressurssenteret er og har vore viktig for utbreiinga av gardsysteri i Noreg. Ein av lærarane, ysteteknologen Pascale Baudonnel, var initiativtakar og daglig leiar for organisasjonen Norsk Gardsost i ti år. Utdanninga tok ho ved ENILIA i Frankrike kor dei lærer bort både pasteurisert og upasteurisert ysting. Kunnskapen ho ynskjer å formidle ligg både i hovudet, ganen og hendene. Den har gitt ho eit kjent namn og ein rekke prisar – bygdeutviklingsprisen, Ingrid Espelid Hovigs matkulturpris og Aurlandsprisen for å nemne nokre.

Sjølv om kursa hovudsakleg skal bidra med høg fagleg kompetanse, er eit like viktig biprodukt dei nettverka som skapast. Når ein driv med ysting vil det oppstå nye utfordringar og spørsmål rett som det er. Da er det kjekt å kunne ringe nokon i same situasjon.

Pascale skryt av elevane. «Dei kjem fordi dei er interesserte i ysting. Vi får mykje respons, noko som gjer det lettare og meir morosamt å undervise. Det er givande når ein ser stjerner i augo deira!» Kursdeltakarane kjem frå heile landet, og er typisk vaksne med gard og planar om å drive osteproduksjon.

Cornelia Mundal frå Fjærland tenkjer å kjøpe økologisk kumjølk for å yste kvitost. Flora Nine Tangelder frå Setane Gardsysteri ynskjer å utnytte mjølka betre ved å koke brunost av mysa etter kvitostproduksjonen. Mjølkebøndene Hege Garseg og Randi Liverud frå Østfold leitar etter oppskrifter av gamal tradisjonsost frå området. Dei vil starte det fyrste gardsysteriet i fylket i tilknyting til mjølkeproduksjonen på garden til Randi.

_mg_5515

Elevane skryt òg av lærarane. «Dei tør by på seg sjølv og er ikkje så sjølvhøgtidelege. Det blir det god stemning av!» Maria Ballhaus, gamalostentusiasten, er i tillegg til kurslærar skulen si eige ysterske og står for all osten merka SJH. Historia hennar byrja ved Hitra Gårdsmat, før ho kom til Aurland som elev. Seinare gjekk ho på modulkurset og var med å starta opp produksjonen ved Rallarrosa Stølsysteri og i SJH sitt ysteri. Ho har ystinga i hendene! Ragnhild Nordbø gjekk sitt første seter- og ystekurs da ho var 14 år og studerte seinare næringsmiddelfag på Ås. Sidan 2004 har ho jobba ved ressurssenteret på SJH kor ho driv rådgiving og held kurs. Til dagleg driv ho garden hjå Grindal Ysteri.

Det er viktig for dei å dele den kunnskapen dei sitt på. «Vi kan ikkje lage all osten aleine,» kjem det frå Pascale. Noreg treng nyrekruttering av dyktige ystarar spreidd over heile landet. «Det gir det ostemangfaldet eg er opptatt av.»

Kurset avslutta med ostesmaking på Mariannes bakeri med eit utruleg utval ostar representert. Resultat frå ystekurset, eit knippe av lærarane sine ostar, elevane sine heimeleksar og ei mystisk gåve frå Tyskland. Ein lærar mykje av å diskutere forskjellar i smak, lukt, tekstur og utsjånad. Det seier mykje om forholda osten vert utsatt for.

_mg_5606

 

«Vi har hatt det kjempeartig!» seier ein av deltakarane før ho forlét lokalet og startar turen heimover. Snart blir ho eit nytt kapittel i Noregs ysteeventyr. Takk for no, me smakast!

Er du ystelysten?

Neste sjanse for å delta på Innføringskurs i ysting er 23.-27. januar 2017. Meld deg på no, kurset fyllast raskt opp! Klikk her for meir info

Neste vidaregåande kurs er 7.-14. februar 2017. Ogso her bør du vere tidleg ute. Klikk her for meir info

Framtidige kokkar på fagtur

Publisert 07/09/2016 i Aktuelt - Kommentarer er skrudd av for Framtidige kokkar på fagtur
IMG_4718

“Kjenner de til dei fire store?”, spør Sigurd med ei sellerirot i handa. I dag tok Vg3-elevane over lærarrolla.

Korleis blir maten dyrka? Kva er ei god råvare? I dag har Vg1 restaurant- og matfag frå Sogndal vore på fagtur til Aurland for å lære om økologisk matproduksjon.

Fagturen er ein del av det fleirfaglege undervisningsopplegget «Grøne briller – ein økologisk workshop», og har som mål å auke kunnskap og medvit om berekraftig og lokalt landbruk hjå elevar på restaurant- og matfag. Snart var ermene oppbretta og elevane klare til å ta ein nærare titt på verdikjeda frå råvare til ferdig produkt.

IMG_4687 copy

På smaksverkstaden fekk elevane testa smakslaukane sine, med grønnsaker av forskjellig opphav.

Tomatar og læreplanmål

«Her har vi tomatar som er dyrka i god jord og som kjem rett frå veksthuset – slik smakar det av! Når ein tomat ligg lenge på kjøl mistar den mykje smak», fortel Nikolaj i vg3. Restaurant- og matfaglæraren nikkar samtykkande: «13° er ideelt».

Avdelingsleiar for restaurant og matfag, Ingunn Weka, trur at økologi har stort potensiale innanfor restaurantbransja. “Ein ser at dei som har størst suksess har mykje fokus på å bruke økologiske og kortreiste råvarer. Forbrukaren har vorte meir bevisst, og ettersom det byrjar å bli lettare tilgjengeleg er det lettare å velje økologisk”, fortel ho. 

Restaurant- og matfagelevane kjem til å bruke økologiske råvarer frå skulegardsbruket utover hausten. “Dette går rett heim i læreplanmåla for restaurant- og matfag”, fortel Gry Tokvam. “Elevane skal få erfaring med å velje og vurdere råvarer og produksjonarmetodar fram til ferdig måltid”. 

IMG_4732 copy

På kompostplassen fekk restaurant- og matfagelevane ei innføring i grunnleggande prinsipp innan økologisk jordbruk.

Godt jordliv gjev gode råvarer

Nede på kompostplassen fekk elevane spørsmålet kva dei tenkjer når dei høyrer “økologisk jordbruk”. “Bruk av naturgjødsel”, fortel den eine, “naboen driv økologisk – og det luktar det av!”. “Eg tenkjer at det er ei god råvare som det ikkje er tukla med”, seier den andre.

“I jorda er det mykje liv som vi ikkje kjenner til. Det er eit heilt eige økosystem som vi bønder må ta vare på”, fortel Åse. “I god jord, som er full av sopp, gode bakteriar og organismar, blir 90% av fosforet vi gjødslar med teke opp. I dårleg jord er evna til å ta opp fosfor nede i 20%. Jo meir kunstgjødsel og sprøytemiddel ein brukar, jo vanskelegare forhold får jordlivet, så dette blir fort ein ond spiral. Dei globale fosforreservene som vi kjenner til i dag er snart utarma”, forklarar Anders.

Åse viser fram rhizobium-knollane til ei kløverrot: “det er mykje meir miljøvenleg å hente nitrogen direkte frå lufta, framfor å framstille den som kunstgjødsel. 40-60% av energiforbuk i konvensjonelt jordbruk kjem frå framstilling og transport av kunstgjødsel”.

Sjå film om “Grøne briller” her

IMG_4727 copy

Olav kuttar opp lauk til urtesmør, krydra med basilikum, persille, koriander, mynte, ringblomst og kvitlauk.

Vegen vidare med grøne briller

Olav Mjellhofsvik fortel at han byrja på restaurant- og matfag fordi begge foreldra og farfaren hans er utdanna kokkar. Han kjem frå gard sjølv, og har vakse opp med dyr på garden, plommetre i hagen og tomatar i drivhuset. Vidare nå tek elevane med seg lærdom vidare til Sandane for å halde matkurs for 4H-elevar i Gloppen. Dei skal i sin tur halde “Barnas restaurant” på Matamål-festivalen. 

Elevane i Vg3 takkar for at de ville koma og ynskjer de lukke til med arbeidet vidare på Matamål!