Mange spente elevar hadde sin første skuledag på Sogn jord- og hagebruksskule måndag. Her er elevar frå ulike land i ulike aldrar med ulike tankar og draumar.
– Eg startar her fordi eg har store planar om å driva gard sjølv. Så har eg lyst til å driva velferdsgard ettersom eg har vernepleiar som bakgrunn. Å bruka det som behandlings- og miljøterapi, samstundes som eg kan ha gard, for eg likar veldig godt ideen om å vera sjølvforsynt og kunne gro eigne grønsaker, seier Thea Falck (28).
Ho er frå Fredrikstad og har i tillegg til å ta vernepleiarutdanninga jobba ein del på gardar tidlegare. Romveninna på internatet, Carine Nilsen (31) frå Skien, har også jobba på gardar både i inn- og utland, pluss at ho har jobba i butikk.
Men no er det altså Sogn jord- og hagebruksskule (SJH) som gjeld.
– Eg er interessert i økologi og dette er einaste økologiske jordbruksskulen i Noreg. Så eg har lyst til å læra korleis eg kan vera meir sjølvberga, og er nysgjerrig på gartnaryrket; det blir kanskje å retta det den vegen etter kvart, fortel Carine.
Les heile saka i Sogn avis (+abonnement) her
