Husdyrhald
Garden har omlag 35 vinterfora sauer, 15 kyr pluss påsett, 35 geiter og tre hestar. Her er tre storferasar: NRF, Vestlandsk fjordfe og telemarksfe. Kalvinga føregår om hausten/vinteren, og kalven får gå med mor si i 3-4 dagar.
Elevane har ein del av praksisen sin i fjøset. Dei tek del i fjøsstell morgon og kveld, og i helgane. Om sommaren er dyra våre på beite i fjellet. Hestane vert bl.a. brukt i gardsarbeidet under sommarkurset.
