SJH-Ressurssenter

Steinerskole på Skjold vgs var på besøk, 11 elevar og 4 vaksne, 22.-26.04.2012.

Dei planta rabarbra, stelte urter, gjødsla med kompost og laga jorddekke. Elevane lagde òg smør og fekk sjå små lamb bli fødde.
Møteplassen var kvar dag rundt bålet i “Rakelhagen”. 

Onsdagen 25.04. var dei heile dagen med Statens Naturoppsyn, Aurland (SNO) og rydda sprakje (einer) på Fronnes. Elles så fekk elevane ro sognebåtar og rydda gravhaugar som ligg på området til skulen.

Takk for besøket !

Fredag 13. april til søndag 15. april vart første samlinga i kurset “Stadbasert entrepenørskap og læring” halde i Fresvik:  Bygda med møteplasser frå Bre til Fjord!

Liv Hatleli v/Frøys Hus tok oss imot med varm graskarsuppe frå eigen produksjon, og deltakarane var så klare til å knyta nye band gjennom stadbaserte aktivitetar og utvikling.

Bakgrunn for deltaking, motivasjon og tankar om utviklingsprosjekt vart presentert, og på kvelden har vi fagleg og sosialt fjordnær «oppmjuking» i badestampar på Sjøstigen.

Laurdagen var vi på skattejakt i bygda.  Vi “jakta” på å finna staden sine ressursane og korleis desse kan brukast i verdiskaping.  Ein aktiv dag med steinmuring og oppgåveanalyse.

Om kvelden var det bygdefest med lokale innslag, allsong,  god mat og forteljing. Søndagen arbeidde vi med å utforme dei stadbaserte oppgåvene i grupper og deltakarane fekk  i “heimelekse” å utdjupe både mål og visjonar med sine utviklingsprosjekt.

Neste kurssamling vert i Lærdal 7.-9. september 2012; me gler oss alt til å møtast igjen!

Universitetet for Miljø og Biovitenskap (UMB), Seksjon for læring og lærerutdanning arrangerer i Samarbeid med Ressurssenteret ved Sogn Jord- og Hagebruksskule (SJH) regionalt pilotkurs i “Stadbasert entreprenørskap og læring” i 2012.

Kurset har tre samlingar:

Samling 1: 13.-15.04.2012, i Fresvik
Samling 2: 07.-09.09.2012, i Lærdal
Samling 3: 09.-11.11.2012, i Aurland

Fullført og godkjent kurs gir 15 studiepoeng.

Meir info. om kurset og påmelding finn du her.

Det er klart for eit nytt kurs i satsingsprosjektet GRIP SJANSEN – SATS PÅ FRUKT OG BÆR! Eit fylkeskommunalt finansiert prosjekt som har sprunge ut av Arena frukt og bær, og er leia av Njøs Næringsutvikling. Føremålet er rekruttering til frukt- og bærdyrkinga, gjennom å gje smakebitar av kva dette er og kva mogelegheiter som finst innan frukt og bær.

Første kurs var på Sogn Jord – og Hagebruksskule i Aurland i februar og samla 27 deltakarar frå Nordfjord og Sogn. Viser til tidlegare reportasje frå dette i Sogn Avis. Denne gongen håpar vi å få med endå fleire ”unge og lovande” og som har lyst å satsa! Du treng heller ikkje å ha vore med på forrige kurs for å bli med på del 2 !

Kurset blir 30. mars 2012, på Ciderhuset i Balestrand. Kurs 2 er ei vidareføring av forrige kurs, men tema går framleis på grunnleggande kunnskap om frukt og bærdyrking. Denne gongen skal me også ta med litt om vidareforedling av frukt og bær, og kva potensiale som ligg i det; Ciderhuset og Balholm er gode føredøme på kva som er mogeleg å få til. Vi skal lære meir om plantefysiologi i frukt og bær, og også pollinering og fruktsetting og korleis det har innverknad på avlingar og økonomi. Skal du få eit godt resultat i frukt- og bærhagen må du forstå plantene og kva stell dei treng for å produsera store avlingar av høg kvalitet.  Vi får ei orientering om Balholm si satsing på produksjon av eplemost og om satsinga på nye produkt, opplevingar og servering i Ciderhuset.

Me skal også gå gjennom kva som er viktig når du skal velja plantemateriale til nyplanting. Kva sortar det er verd å satsa på, kva som er etterspurd i marknaden og ikkje  minst kvar vi får tak i godt plantemateriale. Vi får høyre litt om den offensive satsinga m.a. på samdrifter innan frukt og bær i Balestrand ved Jon Asbjørn Målsnes som både er dyrkar, fruktlagerstyrar og ikkje minst pådrivar for å få fleire til å satsa.

«Grip sjansen» er eit prosjektsamarbeid med Njøs Næringsutvikling, Landbruksrådgjevinga (NLR), Sogn Jord- og Hagebruksskule, frukt- og bærmottaka i Sogn og Fjordane og er eit ”spinoffprosjekt” frå Arena Frukt og Bær. Prosjektet ønskjer å gje deltakarane innsikt i frukt- og bærnæringa, inspirera til å byrja og bygga nettverk for unge dyrkarar som vil satsa. Nettverksbygging og sosialt samver er også viktig, og vi skal ha det kjekt på samlingane og turane det blir lagt opp til. Dette vil vi også synleggjera for andre både gjennom eiga Facebook gruppe i prosjektet, rekrutteringsstands på ulike messer/samlingar og ulike former for profilering. Og kven veit, kanskje får deltakarne ei lita overrasking på kurset også…

Rapport frå studietur i England 19.-22.10.2011

Invitasjonen til studieturen

Prosjektbeskrivelse:  Utvikling og gjennomføring av pilotkurs i “Stadbasert entreprenørskap og læring”.

“Lykla”, salatosten av rå geitemjølk, frå Rallarrosa stølsysteri fekk gullmedalje på Landsutstillinga for gardsost i Stavanger 5.- 7. oktober 2011.
Det er Maria Ballhaus (tilsett ved Sogn Jord- og Hagebruksskule) som har ysta salatosten.

Rallarrosa stølsysteri i Flåmsdalen vart starta opp i fjor sommar og vert dreven av Anne Kari Dalsbotten i samarbeid med Sogn Jord- og Hagebruksskule (SJH).

Ysteriet på Sogn Jord- og Hagebruksskule fekk bronse for gamalost og kvitost av rå kumjølk.
Maria Ballhaus har ysta desse ostane òg.

I tillegg fekk Undredal Stølsysteri gullmedalje for “Sognakvitost” (ung usalta kvit geitost) og bronsemedalje for brun geitost.

Her finn du liste over ostane som fekk gull, sølv og bronse på Landsutstillinga for gardsost 2011.

Gratulerer Maria, Anne Kari, Rallarrosa Stølsysteri, Undredal Stølsysteri og SJH !!

Korte kurs i landbruket 2011/2012 i Sogn og Fjordane og Hordaland

Last ned (PDF, 2.58MB)

Nasjonal satsing etablerer park som ny modell for lokalt og regionalt utviklingsarbeide.  Stor betydning for lokal bygdeutvikling og verdiskaping.

Fylkeskommunen inviterer til å delta på ei av fire næringsreiser. Reisene som er for å heve kompetansen innan karriererettleiing er retta mot rådgjevarar og lærarar i ungdomsskulen og i den vidaregåande skulen, OT – koordinatorar, arbeidslivskontaktar, NAV – tilsette og leiing.

 Seksjon for miljø- og arealpolitikk, ved Landbruks- og Matdepartementet, la i år fagturen sin til Sogn, og 8. og 9. juni var dei i Aurland.   På føremiddagen den 9. juni fekk gruppa ei orientering om Sogn Jord- og Hagebrukskule av rektor Bjørg Fritsvold.  Dei fekk òg ei kort (grunna mykje regn) omvising ute på skulegardsbruket, før turen gjekk vidare til Undredal.

(Seksjon for miljø- og arealpolitikk arbeidar bl.a. med arealbruk og jordvernspørsmål og med bevaring og bærekraftig bruk av jordbrukets kulturlandskap, biologisk mangfold og genressursar. Verdensarvprogrammet er òg ein viktig del av dette.)