| Opningstider | Kontakt | ||
|---|---|---|---|
| Måndag – onsdag | Kl. 11–16 | 57 63 71 44 / 415 30 741 - blomstersalg 57 63 71 45 / 415 30 741 - matvarer og andre tilbod |
|
| Torsdag – fredag | Kl. 11–17 | gardsbutikken.sjh@vlfk.no | |
| Laurdag | Kl. 11–14 | Følg oss på Facebook |
Mat som gjer deg glad!
I den Debio-godkjende gardsbutikken vår, finn du eit breitt utval av økologiske daglegvarer. Ein rekkje av produkta kan du kjøpe i lausvekt; slik kan me redusere på både pris og plastemballasje. I den rikhaldige kjøledisken finn du grønsaker, frukt og bær produsert ved SJH. Me sel og eigne foredla produkt som til dømes eplesaft og mjølkesyregjæra grønsaker. Utanom sesongen importerer me frukt og grønt, slik at me alltid har eit godt, økologisk utval.
I ysteriet på skulen vert det mellom anna produsert ferskost, yoghurt, kvitost, gamalost og rømme. Me har også foredla mjølkeprodukt frå Rallarrosa Stølsysteri, fellesstølen der skulen sine geiter er om sommaren. Du finn dessutan varer frå andre lokale småskala produsentar, til dømes:
- Is frå Isrosa
- Kjøt frå Vikja og Haugen gardsmat
- Urter frå Høgt og Vilt
- Honning frå eigen produksjon og Sognebia
- Geitepølse frå lokale bønder
Kvar onsdag og fredag får me levert nybakte brød frå Marianne Bakeri og Kafe.
Andre varer (som gjer deg glad)
Økologiske bomullskle med SJH-logo, ein rekkje bøker og kontorrekvisita har me alltid inne. Og du finn flotte, bærekraftige gåveartiklar hjå oss – til dømes leiker, hageutstyr og eit stort utval økologiske velværeprodukt.
Sal på marknader
Me deltek på ein rekkje marknader i løpet av året, til dømes i Aurland, Lærdal og Bergen. Følg med på Facebook eller kontakt oss om du ynskjer å møte oss på marknad!
